Marrit van der Wal, Antoinette de Jong, Ireen Wüst, Marrit Leenstra, Tristan Bangma, Pieter Weening, Marit Bouwmeester, Sanne Wevers, Liesette Bruinsma, Bart Helmholt, Alyda Norbruis en Suzanne Schulting. It binne de nammen fan de sporters dy’t woansdeitejûn yn it Abe Lenstra Stadion eare waarden op it Sportgala Fryslân.

Fryske Sporter

Yn de kategory Fryske Sporter fan it Jier gie de titel nei Marrit van der Wal. De fierljepster sprong ôfrûne jier in nij Frysk en Nederlânsk rekôr: 17.58 meter. Ek waard se Frysk kampioen. Marrit naam it op tsjin skûtsjesiler Douwe Visser (De Sneker Pan) en keatser Daniël Iseger.

Oeuvrepriis

De Oeuvrepriis waard wûn troch Bart Helmholt. De fierljepper waard yn syn karriêre mar leafst sân kear Frysk en Nederlânsk kampioen en ljepte foarich jier in nij Nederlânsk rekôr: 21.64 meter. De priis wurdt takend troch de provinsje Fryslân op foardracht fan ‘e faksjuery. By de oare kategoryen mocht it Fryske publyk har stim útbringe.

I