Ljeppersferiening

De ljeppersferiening; Foar ljeppers, troch ljeppers!
De ljeppersferiening bestiet út seis talenteare fierljeppers dy't de belangen fan alle ljeppers behertigje mei as doel it ferbetterjen fan de fierljepsport. Fan elke feriening binnen de FLB is der in ljepper belutsen yn dizze groep. Dêrnjonken is de ljeppersferiening ek fertsjintwurdige yn it haadbestjoer fan it FLB. De ljeppersferiening hat dêrtroch koarte linen én ynspraak by kommisjes en bestjoeren fan de FLB en de ferienings.
 
Mochtsto foar, tidens of nei it seizoen fragen, opmerkings, suggestjes of klachten hawwe, spreek ús dan oan tidens in wedstriid of lit in berjocht efter yn ús digitale postbus. Dizze is te berikken troch de QR-koade te skennen dy't fanôf seizoen 2024 op de pols kar plakt sit én fia de offisjele webside fan it FLB ûnder it kopke ‘ljeppersferiening’.
 
Om alle ferbetterpunten goed ynsichtlik te krijen, sil der nei ôfrin fan it seizoen ûnder alle aktive ljeppers in enkête ferstjoerd wurde om it seizoen te evaluearjen. Alle oandacht- en evaluaasjepunten wurde sammele, beoardielt, en úteinlik dield mei it haadbestjoer.
 
In gearwurking mei de bûnskoaches fan it twakamp wurdt der jierliks foarôfgeand oan de twakamp in aktiviteit foar (meidwaanende) ljeppers organisearre. Ek foar it kommende seizoen steane de earste ideeën al op papier.
 
Koartsein; wy as ljeppersferiening steane foar dy as ljepper klear en binne derfan oertsjûge dat wy der mei syn allen wer in fantastysk fierljepseizoen fan meitsje sille.
 
Mei sportieve groet,
De Ljeppersferiening
Thijs Faasen, Benny van der Ploeg, Auke Zijlstra, Gerbrich Steensma, Siem Lefferts & Rutger Piersma

Kontakt
Thijs Faassen
LV@fierljeppen.frl
 
Postbus LV
Wolsto iets witte litte oan de Ljeppersferiening? Dat kin!
Dit mei anoniem. Mar ast wol in reaksje werom ha wolst, fermeld dan wol dyn namme en e-mailadres.

Lit in berjocht efter yn de postbus LV.